 |
|
|
|
Communications |
|
|
|
|
|
|
| |
Investiment f'ġenerazzjoni ta' enerġija nadifa mix-xemx
|
|
Date:
13/11/2009
Illum ġie ppubblikat avviż fil-Gazzetta tal-Gvern (paġna 13,905 - http://www.doi.gov.mt/EN/gazetteonline/2009/11/gazts/GG%2013.11.pdf )
għal dawk interessati sabiex jesprimu interess fi proġett li għandu jara 67,000 metru kwadru ta’ soqfa ta’ binjiet pubbliċi b’panelli fotovoltajċi.
Dan il-pass li tħabbar ukoll fil-baġit li għadu kemm ġie ppreżentat għas-sena 2010 jkompli jirrijafferma l-politika tal-Gvern dik li f’pajjiżna jiġġenera l-enerġija nadifa mir-riżorsi kollha li għandu disponibbli għalih fosthom ix-xemx, ir-riħ u l-iskart. Dan il-progett ikompli jgħin sabiex tintlaħaq il-mira li pajjiżna għandu dik li sas-sena 2020, jiġġenera 10% tal-ġenerazzjoni elettrika tiegħu minn sorsi nodfa ta’ enerġija.
Huwa stmat li l-installazzjoni tal-panelli fotovoltajċi se ssir b’investiment privat ta’ madwar €25 Miljun u se tkun iġġenerata enerġija daqs kemm jiġġeneraw madwar 1500 familja. Aktar informazzjoni tista’ tinkiseb mis-sit www.solarenergy.gov.mt
Dan juri kemm il-Gvern kapaċi jdawwar l-isfidi ambjentali f’opportunitajiet ta’ aktar xogħol kif ukoll jiggarantixxi ambjent u saħħa aħjar, għalina u għal ġenerazzjonijiet futuri. |
|
|
|
| |
|
|
|
|
 |
|
|
|
|
|
 |
|
|
|
|
