 |
|
|
|
Communications |
|
|
|
|
|
|
| |
Sigurtà fil-kwalità tal-ikel
|
|
Date:
12/03/2010
It-Taqsima tar-Regolament Veterinarji fil-Ministeru għar-Riżorsi u l-Affarijiet Rurali tirreferi għal xi rapporti f’sezzjoni tal-istampa u tgħarraf li bħalma għamlet dejjem, ser tibqa’ żżomm il-kwalità tal-ikel bħala l-ogħla prijorità tagħha.
Hekk kif il-bieraħ filgħodu ġie rrappurtat li waqt inspezzjoni ta’ kontroll instab li kien hemm xi nuqqasijiet, ittieħdet azzjoni immedjata mill-kuntrattur inkarigat sabiex isiru l-aġġustamenti meħtieġa, u b’hekk tibqa’ tkun assigurata l-kwalità tal-ikel. It-Taqsima għar-Regolament Veterinarju tgħarraf lill-pubbliku ma hemm l-ebda lok ta’ allarm u huwa għalhekk li dawn il-kontrolli jsiru b’mod regolari, minħabba li n-natura tal-post u l-attività li ssir fih tirrikjedi dan. Ta’ min jinnota illi riċentament ġie mġedded il-kuntratt biex ikun hemm kontroll kontinwu ta’ disinfestazzjoni tal-Biċċerija sabiex dan is-servizz jibqa’ jsir b’mod regolari.
Id-Dipartiment jenfasizza li n-nuqqasijiet irrapurtati huma limitati għas-sezzjoni tal-emerġenza biss li fiha jkun hemm il-karkassi ta’ żwiemel, nagħaġ u mogħoż u mhux fil-biċċerija kollha. Sa dan it-tant id-Dipartiment jgħarraf ukoll li fil-futur immedjat se tingħalaq l-emerġenza u l-qtil taż-żwiemel, nagħaġ u mogħoż jibda jsir fuq il-linji fil-biċċerija ta’ Malta u ta’ Għawdex skont kif jiġri bi speċi oħrajn. |
|
|
|
| |
|
|
|
|
 |
|
|
|
|
|
 |
|
|
|
|
